شعر ترکی آتا شعری

آی آتا جان سن سن منیم گوزلریمین ایشیغی            آرخامدا داغ کیمی دورموش عمرومون یاراشیغی

هر گاه سنون باشوندا کی آغ ساچی من گورورم           سن ساچو وی دارایاندا ، من توک لری گورورم

دئیرم کی ساوالان دی باشیندا قار اوتوروب                زیلوه لی بیر اوجا داغدی اوستونده سار اوتوروب

هر گاه سنون اوزونده کی گوزلروه باخیرام                       گونش کیمی نور ساچیری یاندرلیب یاخیرام

عومور سورموش تجربه لی بیر قوجامان کیشی سن     کور اوغلو تک قهرمان سان حیاتوی سورموسن

   سن سیز منیم دیزلریمین طاقتی یوخ بیلی سن            سنه گوره حومتیم چوخ اونو عیان بیلیسن

من حیاتدا ، یاشایشدا سندن الهام آلیرام                 سنی هر واخت گورنده من بوینووا گول سالیرام

نه قدر من یکه لسمده لاپ قوجالیب قاری یام          اونو بیل کی سن گول اولسون من او گولون خاریام

چوخلو واخ لار اوشاغلیغیم دوشر منیم یادیما              یادیمدادی بیر گون یامان چاتدون منیم دادیما

اوشاقیدیم من او زامان درسه گئدن بیر اوشاق              شلتاق آتیپ دام دو،وارا دورماشان بیر اوشاق

فکریم ذکریم درس دیردی اویناماقیدی آنجاق                     تنگه لرده دوستلاریملا قایناماقیدی آنجاق

درسه گئتدیم بیر گون آما مداد آپارمادیم من               درس یازماقا ، اوردا هیچ بیر شئی تاپمادیم من

ئوز ئوزومه دئدیم الله گوره سن من نیله یم                   درسی نجور یازیم ، پوزوم ، معلیمه نه دئییم

اوندا گوردوم مدادیمی گتیردون                                   یاخشی واختا او مدادی منیم ایچون یئتیردون

یایدا گئدیپ چئولده بوستان گوزلردیم                      ایندی دیسم افسانه دی آنجاق شیرین سوزلردی

بوستانی من ئوتورموشدوم چایلاقلاردا اوینردیم         بالیخ دوتوب گاه تور آتیپ هر دن ده بیر بویلاردیم

دئمه گلیب گودون بستاندا بیر کیمسه یوخ                   او یئیه سیز قالیب اوردا هیچ بیر کیمسه یوخ

چوخ آجیغون دوتوب منی چاغیر دون                                چون حسلی دون چوخ باشیما چیغیردون

انقلابین واختی هیچ واخت چیخماز منیم یادیمنان         او جور گونلر هیچ پوزولماز خاطریمنن یادیمنان

بیر گون کتده بیز یئغئناق گورموشدوق                      جاوانلاری چاغیرمیشدیق بیر یئره توپلامیشدیق

ئولوم اولسون ظالیم شاها دئیردیک                                    خانلاقارشی چوخلو شعار وئریردیک

بیر ده گوردوم دام اوستونده دورموسان                                  الونده داش منه آتیب وئرموسان

ایندی اما منده آتا اولموشام                                               اوشاقلاری دانلامیشام ورموشام

بیلیرم کی سن قایقی می چکیردون                   گئلجه گین فکرینده یدون چوخ زاد لاری بیلیردون

الله سنی چوخ گورمه سین بیزیم ایچون ساخلاسین اوزون عومور وئرسین سنه سنی بوجور ساخلاسین

بیزده سنون کولگونده ، شاد یاشئیاق              عومور سورک ،گون گئچیردک عمروموزو داشی یاق